菜菜子話, 09年左右就係我地呢個age收紅色炸彈0既高峰期。即是話, 結婚0既壓力經已殺到埋身。
對於愛情或婚姻, 我從來覺得"合則來, 不合則去"; 兩個人一起, 可以很快樂, 亦可以很痛苦; 而一個人亦不見得一定是孤獨寂寞。有合適對象就一齊, 沒有就繼續單身。總之, 唔需要太放在心上。
反倒有時係身邊0既人都比我更著緊, 成日都話要"plan定"。唉, 愛情最難以捉摸猜度, 人0既心一變, 話走就走, 邊有得你plan?
所以我唔明白點解周圍0既人都咁訓身落力一定要結婚。套用陶傑先生的說法: '不結婚，可以是主動不參與這個追逐泡沫的遊戲。'
沒有選擇過, 比沒有結婚更悲哀。一生只戀一次, 似是遺憾多於浪漫。
***
和歌山県紀伊田辺市田辺灣還是雲淡風輕。
***
saintvenus' stereo is playing:
Brett Anderson - 'Love is dead'
4 comments:
好鍾意你呢篇！你真係好瀟灑！
其實我都認同結唔一定要結
但係男人就一定唔可以冇！哈哈
P.S.︰你話你番科大，但所在地又係日本，究竟你現時身在何方？日本的科大？？
Thanks 喵妃~ 我都好喜歡你個blog 0架~!
冇男人生活會好悶0架, 唔一定要拍拖定或者有咩committment 0既, 做朋友都可以好爽!
其實我而家晌香港~ 不過我成日去日本, 所以個所在地索性寫日本喇!!!
再過多五年到，你就會開始發覺越來越少可以陪你出街的男人．．．不是已婚，就是一些長不大的男孩，或是一些只想「玩玩下」的男人，你到時根本不想與他們出街約會。
因此，我的意見是盡早「趁低吸納」方為上策。
點解一定要抱著"唔執輸, 怕蝕底" 0既心態對待結婚 / 戀愛?
Post a Comment