Saturday, July 31, 2010

三十句 (3)

1. 打開雪櫃就有parma ham食, 好幸福。
2. 而家睇緊〈黑執事〉。最鍾意夜媽媽睇卡通片。
3. 二叔晌佢張幼稚園畢業相度擺左個'如來神掌'post, 好爆!!!
4. 前晚食鮮花燉花膠, 膠質太強搞到頂住個胃, 好辛苦。
5. 差0的就用緊LV, 差0的就變港女。
6. LV monogram好醜樣。
7. 電腦壞左兩星期, 今日終於可以用佢團聚喇。
8. 曾經晌超市見到, 有麻甩佬昅女人買M巾... 咁都好昅, 0的麻甩佬真係乜xyz都玩一餐!
9. 聽日就係離開地獄2週年, 真係可口可樂~
10. 對於每一個離開地獄0既人, 不論我識唔識得都好, 都真心戥佢地高興。
11. 上堂唔准玩facebook呀肥仔, 專心0的聽書!
12. 網上有得賣Thomas & Friends x Transformers 0既玩具, 簡直係史上最強0既大陸老翻! 好想要一set呀!
13. 衰雀甩毛甩到九彩, 可能因為天氣太熱。
14. 有時候, 一段愛情之所以長久, 其一原因不是因為雙方定力夠, 而是潛在第三者吸引力不足。
15. 有人肯同我一齊食Yuk Hwea! 很難得...
16. 想搵返李碧華八十年代尾至九十年代頭0既小說0黎睇。
17. 好心0的家長唔唔好再畀小朋友著crocs出街... 又醜樣又畀電梯夾腳, 都唔知做乜。
18. 邊隻cleansing mask好用呢請問?
19. 呢個星期五我夠膽著左短褲返工。
20. 過左咁多年, 你(地)仍然係咁柒, 令我好心涼。
21. 做人有時候要狠心腸, 手起刀落, 千萬不要回頭。
22. 我短期內都唔想去日本。去得太多喇。
23. 公司0黎左個好索0既韓妹, 個樣仲要係幾野性果type。
24. 日本係有死刑0既。
25. 以前就香港靚女多, 而家就香港剩女多。
26. 男人樣衰唔緊要, 識搞笑已經加起碼30分。
27. 少扮0野, 多做事。
28. 每個月兩皮幾0野人工, 連個file都執唔掂... 成日講埋0的八婆0野, 又鍾意準時走, 我係老闆都唔想理你啦。
29. 而家想食韓式泡菜煎豬腩肉。
30. 聽日去睇Inception.

Photo taken outside Chanel.

***
saintvenus' stereo is playing:
Christina Aguilera - 'Bionic'

4 comments:

エリー said...

2. ciel真係好得意ar!!
8. 有無男人可以從用過gei M巾得到滿足... 真係好X核突...
17. crocs好臭!!
18. 近排買左lush gei cupcake (for cleansing)同埋catastrophe cosmetic (for 保濕).
FYI佢地有隻雪糕面膜叫做axxxxa, 中文譯做楊支甘露, 對某劉先生好合適.

saintvenus said...

8. 我記得上年有單新聞係有麻甩佬潛入女廁偷用過0既m巾, 之後壹週刊放蛇扮賣家, 真係有男人肯畀錢買... 頂
18. 楊支甘露呢個唔明, 有何典故??

Sam said...

睇緊黑執事?估你唔到wor

saintvenus said...

咁0岩電視播緊, 順便睇下~